ÞRIÐJUDAGUR 10.Febrúar 2009

Tuesday February 10th

12.15 @ Hafnarborg

FÖSTUDAGUR 13.Febrúar 2009

Friday February 13th

20.00 @ Laugarborg, Eyjafjarðarsveit

EMIL FRIÐFINNSSON, horn

ÞÓRARINN STEFÁNSSON, píanó

EFNISSKRÁ / PROGRAM:

Leifur Þórarinsson:

Jólamars

Afmælikveðja

Jólaglenna

Jónas Tómasson: Sónata XVIII fyrir horn

Herbert H. Ágústsson: Andante

Óliver Kentish: Three Sketches

Tryggvi M. Baldvinsson: Fantasiestück für Horn und Klavier

Um flytjendur / About the performers:

Emil Friðfinnsson stundaði nám við Tónlistarskólann á Akureyri og síðan við Tónlistarskólann í Reykjavík þaðan sem hann lauk einleikaraprófi undir handleiðslu Joseph Ognibene. Framhaldsnám stundaði Emil við Folkwang -Hochschule Essen hjá prófessor Hermann Baumann og lauk prófi þaðan 1991.

Eftir að hafa starfað hjá ýmsum hljómsveitum í Þýskalandi í nokkur ár sneri Emil heim og hefur frá 1994 verið hornleikari í Sinfóníuhljómsveit Íslands, undanfarin ár sem uppfærslumaður. Auk þess hefur Emil leikið með Kammersveit Reykjavíkur, Caput-hópnum frá upphafi, Kvintett Corretto, Diddú og drengjunum og fleiri hópum.

Þórarinn Stefánsson hóf ungur píanónám við Tónlistarskólann á Akureyri en lauk kennara- og einleikararprófi frá Tólistarskólanum í Reykjavík vorið 1987 undir handleiðslu Halldórs Haraldssonar. Þórarinn stundaði framhaldsnám í Hannover í Þýskalandi hjá prof. Eriku Haase. Hann hefur auk þess sótt einkatíma og námskeið hjá Einari Steen-Nøkleberg, Colette Zérah, Edith Picht-Axenfeld og Vlado Perlemuter. Að námi loknu bjó og starfaði Þórarinn um nokkurra ára skeið í Þýskalandi og Danmörku. Hann hefur komið fram á fjölda tónleika  víða um Evrópu sem einleikari og meðleikari með söngvurum og hljóðfæraleikrurum.

Þórarinn hefur auk þess skipulagt fjölda tónleika m.a. í Þýskalandi, Danmörku, Grænlandi og Færeyjum. Hann er nú listrænn stjórnandi tónlistardagskrár Tónlistarhússins Laugarborgar í Eyjafjarðarsveit.

Þórarinn hefur gert upptökur fyrir sjónvarp og útvarp m.a. með Sinfóníuhljómsveit Íslands.

Árið 2007 hlaut Þórarinn starfslaun listamanna.